Apple នឹងឈប់បង្កើត iPad Mini តែជំនួសវិញនូវថេប្លេតយក្ស iPad Pro 12.2 អ៊ីញ
តាមដានពត៌មានផ្សេងៗពី Rith Apple Media
iPad Mini បានបង្ហាញខ្លួនដំបូងនៅចុងឆ្នាំ 2012
ដែលវាបានទទួលប្រជាប្រិយភាពជាខ្លាំង
នេះក៏ដោយសារតែវាមានរូបរាងស្អាត ស្តើងតូចច្រឡឹង
និងមានតម្លៃធូរថ្លៃជាង iPad ដែលមានអេក្រង់ទំហំ 9.7 អ៊ីញ។
យ៉ាងណាមិញ Apple
ហាក់បីដូចជាមិនសូវយកចិត្តទុកដាក់ក្នុងការបង្កើតវាប៉ុន្មាន
ឡើយ ជាក់ស្តែងនៅក្នុងឆ្នាំនេះ iPad Mini ជំនាន់ទី 3
គ្មានអ្វីខុសពី iPad Mini ជំនាន់ទី 2 សោះឡើយ
គ្រាន់តែវាមានទ្រនាប់ស្កេនម្រាមដៃ និងមានពណ៌មាសតែប៉ុណ្ណោះ។
ហេតុអ្វីបានជា ក្រុមហ៊ុន Apple ធ្វើដូច្នេះ?
ហេតុអ្វីបានជាខ្លួនមិនសូវយកចិត្តទុកដាក់ចំពោះ iPad mini ដូច្នេះ
រឺមួយក៏ Apple គ្រោងនឹងបញ្ឈប់បង្កើតវាហើយ?
សេចក្តីរាយការណ៍មួយចេញពីសារព៌តមាន Economic Daily News
របស់ប្រទេសចិនបានអោយដឹងថា ឆ្នាំក្រោយនេះ Apple នឹងឈប់បង្កើត iPad
Mini ទៀតហើយ ប៉ុន្តែខ្លួននឹងបង្កើត iPad Pro
ម្តងដែលវានឹងមានរចនាបថដូចទៅនឹង iPad Air 2 ដែរ
គ្រាន់តែមានអេក្រង់ធំជាងមុនដល់ 12.2 អ៊ីញ។
មូលហេតុនោះក៏ព្រោះតែឆ្នាំនេះ Apple លក់ពពួក iPad mini
បានតិចជាងឆ្នាំមុនដល់ 33% ឯណោះ
ជាហេតុធ្វើអោយខ្លួនបាត់បង់ប្រាក់ចំណូលមួយចំនួនធំដែរ។
មូលហេតុដែលធ្វើអោយ iPad mini បាត់បង់ប្រជាប្រិយភាពដូច្នេះ
ក៏ព្រោះតែ iPhone ឥលូវមានអេក្រង់ធំដល់ 5.5 អ៊ីញ
ជិតស្មើថេប្លេតទៅហើយ ណាមួយទៀត តម្លៃរវាង iPad mini និង iPad
អេក្រង់ខុសគ្នាតែ 100$ ប៉ុណ្ណោះ
ហេតុដូច្នេះមនុស្សភាគច្រើនសុទ្ធតែយក iPad អេក្រង់ធំទាំងអស់។
មូលហេតុដែល Apple សម្រេចចិត្តបញ្ចេញ iPad Pro
នៅឆ្នាំក្រោយនេះ ក៏ព្រោះតែដើម្បីស្វែងរកប្រាក់ចំណូល
ក៏ដូចជាដើម្បីកុំអោយគូប្រជែងរបស់ខ្លួនដើរតាមទាន់។
អ្វីដែលជាចំងល់របស់យើងនោះ
តើវានឹងដំណើរការដោយប្រព័ន្ធប្រតិបត្តិការណ៍អ្វីទៅ?
ជាប្រព័ន្ធប្រតិបត្តិការណ៍ iOS រឺក៏ OS X ដូចកុំព្យូទ័រ Mac?
យើងធ្លាប់បានដឹងរួចមកហើយថា iOS មានភាពសាមញ្ញណាស់
មិនមានជំរើសច្រើនក្នុងការបំពេញមុខងារសំខាន់ៗនោះទេ
ហើយប្រសិនបើវាបំពាក់លើអេក្រង់ដ៏ធំដល់ 12.2 អ៊ីញទៀតនោះ
វាពិតជាគ្មានប្រយោជន៍សោះឡើយ លើកលែងតែ iOS 9
នឹងមានមុខងារពិសេសៗបន្ថែមទៀត។
តើអ្នកយល់ស្របអោយ Apple បញ្ឈប់បង្កើត iPad Mini
ហើយងាកទៅបង្កើត iPad Pro ដែលមានទំហំអេក្រង់ធំដែររឺទេ? iPad mini
ពិតជាធ្លាក់ប្រជាប្រិយភាពខ្លាំងមែនចាប់តាំងពី iPhone
មានទំហំអេក្រង់ធំៗ ណាមួយទៀត iPad Mini
ក៏គ្មានភាពទាក់ទាញដូចទៅនឹងសិស្សច្បងវានោះទេ
ដូច្នេះវាប្រហែលជាការសម្រេចចិត្តដ៏ត្រឹមត្រូវមួយរបស់ Apple
ក្នុងការឈប់បង្កើត iPad mini។ សូមបញ្ជាក់ផងដែរថា
សេចក្តីរាយការណ៍ខាងលើគឺស្ថិតនៅក្នុងរង្វង់ពត៌មានចចាមអារ៉ាមនោះ
ទេ ដែលយើងមិនអាចជឿជាក់បានមួយរយភាគរយនោះទេ
មានតែខែតុលាឆ្នាំក្រោយទេ ទើបយើងដឹងការពិត។
No comments:
Post a Comment