តាមដានពត៌មានផ្សេងៗពី Rith Apple Media
ពីមួយឆ្នាំទៅមួយឆ្នាំ យើងសង្កេតឃើញថា
ថាមពលថ្មរបស់ស្មាតហ្វូនកាន់តែប្រើប្រាស់បានយូរទៅៗ
ហើយនេះមិនមែនដោយសារតែថ្មវាមានទំហំធំតែមួយមុខទេ
ប៉ុន្តែគេប្រើប្រាស់បច្ចេកវិទ្យាថ្មីៗដែលកាត់បន្ថយការប្រើថ្ម
ហើយផ្នែក Software វិញក៏ជាកត្តាដ៏សំខាន់មួយផងដែរ។ នៅចុងឆ្នាំ
2014 នេះ
យើងសង្កេតឃើញមានកំពូលស្មាតហ្វូនជាច្រើនបានបង្ហាញខ្លួនរួចអស់
ហើយ
ហេតុដូច្នេះហើយអ្នកទាំងអស់គ្នាអាចទាយដឹងទេថាតើកំពូល
ស្មាតហ្វូនណាខ្លះដែលអនុញ្ញាត្តអោយយើងប្រើប្រាស់បានរយៈពេលយូរ
ជាងគេ?
5. Samsung Galaxy Note 4 ប្រើប្រាស់ទូទៅបាន 8 ម៉ោង 43 នាទី
Galaxy Note 4 ប្រើប្រាស់ថ្មទំហំ 3220 mAh ធំជាង Note 3 តែ
20mAh តែរយៈពេលនៃការប្រើប្រាស់គឺខុសគ្នាចំនួន 2 ម៉ោង។ ទោះបីជា
Note 4 ប្រើអេក្រង់ Super AMOLED កម្រិតភាពច្បាស់ QHD
និងមានមុខងារជាច្រើនទៀតក៏ដោយ
ក៏ប៉ុន្តែបច្ចេកវិទ្យាថ្មីក្នុងស្មាតហ្វូននេះបានធ្វើអោយយើងអាច
ប្រើប្រាស់បានយូរជាងមុនឆ្ងាយ
ហើយក៏ចំណាយពេលខ្លីដើម្បីសាកថ្មផងដែរ។
4. Huawei Ascend Mate 7 ប្រើប្រាស់ទូទៅបាន 9 ម៉ោង 3 នាទី
Huawei Ascend Mate 7 មានថាមពលថ្មធំដល់ទៅ 4100 mAh ឯណោះ
ហេតុដូច្នេះហើយទោះបីជាយើងមិនបាច់ធ្វើតេស្ត
ក៏យើងអាចទាយដឹងដែរថាវាអាចប្រើបានយូរប៉ុណ្ណានោះ។
ទូរស័ព្ទនេះអាចប្រើបានយូរនេះក៏ព្រោះតែអេក្រង់ 6
អ៊ីញវាមានកម្រិតភាពច្បាស់ត្រឹម 1080 ភិចសែល
ណាមួយទៀតបន្ទះឈីបវាក៏ស៊ីថ្មតិចផងដែរ។
3. Sony Xperia Z3 ប្រើប្រាស់ទូទៅបានរយៈពេល 9 ម៉ោង 29 នាទី
បើយើងក្រឡេកមើលលក្ខណៈសម្បត្តិរបស់ Xperia Z3
នោះគឺវាគ្មានអ្វីខុសប្លែកច្រើនពី Z2 នោះទេ
ប៉ុន្តែបើយើងក្រឡេកទៅមើលថ្មរបស់វាវិញនោះគឺវាអនុញ្ញាត្តអោយ
យើងប្រើបានដល់ 9 ម៉ោង 29នាទីឯណោះ។
នេះក៏ព្រោះតែទូរស័ព្ទនេះមិនមានមុខងារសាំញ៉ាំរញ៉េរញៃច្រើន
អេក្រង់របស់វាត្រឹមកម្រិត 1080 ភិចសែល។
2. Sony Xperia Z3 Compact ប្រើប្រាស់ទូទៅបានរយៈពេល 10 ម៉ោង 2 នាទី
Xperia Z3 Compact មានថ្មត្រឹមតែ 2600mAh ប៉ុណ្ណោះ
តូចជាងគេ តែវាបែរជាអាចប្រើបានដល់ទៅរយៈពេល 10 ម៉ោងឯណោះ
ដែលនេះគឺជារយៈពេលដ៏យូរបំផុតមួយ។
មូលហេតុដែលវាអាចប្រើប្រាស់បានយូរដូច្នេះក៏ដោយសារតែវាមាន
អេក្រង់តូចទំហំ 4.5 អ៊ីញមានកម្រិតភាពច្បាស់ត្រឹម HD ប៉ុណ្ណោះ
គួបផ្សំជាមួយមុខងារសាមញ្ញៗដែលមិនត្រូវការថាមពលច្រើននោះ Z3
Compact អាចអោយយើងប្រើប្រាស់បានដល់ទៅ 2 បីថ្ងៃឯណោះ។
1. Motorola DROID Turbo ប្រើប្រាស់ទូទៅបានរយៈពេល 10 ម៉ោង 42 នាទី
Droid Turbo ដែលទើបតែធ្វើការបង្ហាញខ្លួននៅសប្ដាហ៍នេះ
បានទទួលតំណែងជាស្មាតហ្វូនដែលអាចប្រើប្រាស់បានយូរបំផុត
នេះក៏ដោយសារតែវាមានអេក្រង់ត្រឹម 5.2 អ៊ីញតែមានថាមពលថ្មដល់ 3900
mAh ឯណោះ ហើយគួបផ្សំជាមួយបច្ចេកវិទ្យាទំនើបៗទៀតនោះ DROID Turbo
អាចអោយយើងប្រើមិនខ្វល់ពីការសាកថ្មទៀតឡើយ។
គូសបញ្ជាក់ផងដែរថា
លទ្ធផលខាងលើនេះត្រូវបានតេស្តសាកល្បងដោយយកចិត្តទុកដាក់បំផុតរបស់
វេបសាយ Phonearena.com
ដែលការតេស្តសាកល្បងនេះផ្តោតទៅលើការប្រើទូទៅដូចជាមើលវីដេអូ
ផង លេងហ្គេមផង ឆែកអ៊ីនធឺណែតផង ថតរូបផង។
តើអ្នកមានចំណាប់អារម្មណ៍ទៅលើទូរស័ព្ទណាមួយក្នុងចំណោមនេះដែររឺ
ទេ? មុនពេលដែលអ្នកស្វែងរកស្មាតហ្វូនណាមួយយកទៅប្រើប្រាស់
សូមគិតគូរលើថាមពលថ្មរបស់វាផងណា
ព្រោះអីវាមានសារៈសំខាន់ខ្លាំងណាស់។
No comments:
Post a Comment