តាមដានពត៌មានផ្សេងៗពី Rith Apple Media
បន្ទាប់ពីប្រព័ន្ធប្រតិបត្តិការណ៍ iOS 8
បានដាក់អោយប្រើប្រាស់ជាសាធារណៈបានរយៈពេលមួយខែមក
ឥលូវនេះចំនួនអ្នកប្រើប្រាស់បានកើនឡើងស្មើនឹងពាក់កណ្តាលនៃ
iDevice ទាំងអស់ហើយ។ ដោយឡែកមកទល់នឹងពេលនេះហើយ
យើងមិនទាន់បានទទួលដំណឹងផ្សេងៗទាក់ទិនទៅនឹងកម្មវិធី Jailbreak
iOS 8 នៅឡើយទេ ដូចជាស្ងាត់ឈឹងគ្មានសង្ឃឹមសោះឡើយ។
កាលពីជំនាន់ប្រព័ន្ធប្រតិបត្តិការណ៍ iOS 7.1
យើងបានរង់ចាំកម្មវិធី Jailbreak ដល់ទៅជាងកន្លះឆ្នាំឯណោះ
ហើយវាបែរជាបង្កើតឡើងដោយក្រុម Pangu
ចេញពីប្រទេសចិនទៅវិញដែលនេះគឺជារឿងដ៏គួរអោយភ្ញាក់ផ្អើលមួយ។
ចុះសម្រាប់កម្មវិធី Jailbreak iOS 8
នេះវិញតើក្រុមណានឹងបង្កើតសម្រាប់យើងរាល់គ្នាប្រើប្រាស់ទៅ?
ជាការពិតណាស់បើយើងនិយាយអំពីកម្មវិធី Jailbreak
នេះវាអាចនឹងមានភាពសាំញ៉ាំបន្តិច
ព្រោះអីមានក្រុមជាច្រើនបានសិក្សា និងស្វែងរកចន្លោះប្រហោង iOS
នេះព្រមគ្នា។ ក្រុម Jailbreak ខ្លាំងៗដូចជា Evad3rs, iH8sn0w និង
p0sixion ជាដើមធ្លាប់បានបញ្ជាក់រួចមកហើយនូវដំណើរការ Jailbreak
iOS 8 នេះ។ ក្រុមល្បីៗទាំងនេះបានអោយដឹងថា ការរុករកចន្លោះប្រហោង
iOS 8 នេះគឺជារឿងដ៏នឿយហត់មួយ
ហើយពួកគេក៏ចាប់ផ្តើមមានអារម្មណ៍ធុញទ្រាន់ក្នុងវិស័យនេះដែរ។
និយាយរួមមកក្រុមជើងចាស់ទាំងនេះមានសង្ឃឹមដ៏សែនតិចតួចបំផុត
ក្នុងការបញ្ចេញកម្មវិធី Jailbreak iOS 8 អោយយើងប្រើប្រាស់។
ក្រឡេកទៅមើលក្រុម Pangu ដែលជាអ្នកបង្កើតកម្មវិធី Jailbreak
iOS 7.1.x
ក៏ធ្លាប់បានបង្ហោះសាររំលឹកអំពីដំណើរចាប់ផ្តើមសិក្សាស្រាវជ្រាវ
រុករកកម្មវិធី Jailbreak iOS 8 ផងដែរកាលពីខែមុន តែមកដល់ពេលនេះ
យើងនៅមិនទាន់បានទទួលដំណឹងល្អអ្វីទៀតនៅឡើយទេ។ ព្រមគ្នានេះដែរ
ប្រភពសំងាត់មួយក៏បានអោយដឹងដែរថា
ក្រុមអត់ឈ្មោះមួយកំពុងតែសិក្សាស្រាវជ្រាវកម្មវិធី Jailbreak iOS 8
នេះ ហើយពួកគេអាចនឹងទទួលជោគជ័យបាន។
សរុបសេចក្តីមក ដំណើរការបង្កើតកម្មវិធី Jailbreak iOS 8
គឺពិតជាមានឧបសគ្គច្រើនណាស់ ព្រោះអី iOS 8
វាមានមុខងារសុវត្ថិភាពកាន់តែខ្ពស់ជាងមុន
ណាមួយទៀតក្រុមអ្នករុករករូបមន្ត Jailbreak
នេះហាក់បីដូចជាស្ងប់ស្ងាត់ដល់ហើយ។ ទោះបីជាយ៉ាងណាក៏ដោយ
កម្មវិធី Jailbreak មិនទាន់បញ្ចប់នៅពេលនេះឡើយ
គ្រាន់តែយើងមិនអាចដឹងវាចេញអោយប្រើប្រាស់ជាសាធារណៈនៅពេលណា
នោះទេ។
No comments:
Post a Comment