តាមដានពត៌មានផ្សេងៗពី Rith applemedia
ជាការពិតណាស់ លើលោកនេះ គ្មានមនុស្សណាល្អគ្រប់ដប់នោះទេ
សូម្បីតែស្មាតហ្វូនក៏អញ្ជឹងដែរ
ដូច្នេះហើយយើងត្រូវសិក្សាពីចំណុចខ្វះខាត
ដើម្បីកុំអោយជ្រើសរើសទៅខុស
ហើយក៏ដូចជាដើម្បីក្រើនរំលឹកអោយក្រុមហ៊ុនបង្កើតវាអោយល្អឥត
ខ្ចោះជាងមុនផងដែរ។ ថ្វីត្បិតតែ iPhone 6 និង iPhone 6 Plus
ដែលក្រុមហ៊ុន Apple
បានដាក់បង្ហាញកាលពីថ្ងៃពុធនេះមានការអបអរទះដៃបីសំណាក់អ្នក
គាំទ្រជាច្រើនយ៉ាងណាក៏ដោយ
ក៏ប៉ុន្តែស្មាតហ្វូនទាំងពីរនេះនៅតែមានចំណុចខុសឆ្គង
ដែលធ្វើអោយអ្នកប្រើប្រាស់មួយចំនួនខកចិត្តមិនស្ទើរដែរ។
ខាងក្រោមនេះគឺជាចំណុចប្រាំយ៉ាងរបស់ iPhone 6 និង iPhone 6 Plus
ដែលធ្វើអោយយើងខកចិត្ត
ហើយសង្ឃឹមថាអ្នកទាំងអស់គ្នាក៏យល់ឃើញដូច្នេះដែរ។
1. គ្មានមុខងារសាកថ្មដោយឥតខ្សែ
បច្ចេកវិទ្យា NFC ត្រូវបាន Nokia យកមកបំពាក់លើទូរស័ព្ទនៅឆ្នាំ 2011
បន្ទាប់មកទៀតទូរស័ព្ទ Android មួយចំនួនចាប់ផ្តើមបំពាក់បន្ទះ NFC
នេះផងដែរ ដើម្បីធ្វើការចែករំលែករូបភាព
ឯកសារដោយដាក់ទូរស័ព្ទជាប់គ្នា
ហើយបន្ទាប់ទៀតគេកែច្នៃវាដោយអាចអោយយើងសាកថ្មដោយមិនចាំបាច់
ប្រើខ្សែឡើយ គឺតាមរយៈ NFC។ ចុងឆ្នាំ 2014 នេះ Apple ក៏បានបំពាក់
NFC លើទូរស័ព្ទខ្លួនដែរ តែមុខងាររបស់វាគឺប្រើសម្រាប់ឆូតកាត
និងទូទាត់ប្រាក់ប៉ុណ្ណោះ។
2. កម្រិតភាពច្បាស់អេក្រង់គឺ HD មិនមែន 2K ដូច Note 4 រឺ G3
អេក្រង់ក៏ជាផ្នែកមួយដ៏សំខាន់របស់ស្មាតហ្វូនផងដែរ
ព្រោះអីបើវាមិនមានភាពច្បាស់ ធម្មជាតិទាក់ទាញនោះទេ
នោះអ្នកប្រើប្រាស់ក៏នឹងមិនហ៊ានចំណាយលុយទិញដែរ។
ខណៈពេលដែលក្រុមហ៊ុនផលិតទូរស័ព្ទដទៃបានបង្កើតទូរស័ព្ទដែលមាន
កម្រិតភាពច្បាស់ Full HD (1080x1920) រឺ QHD (1440x2560) នោះ Apple
នៅសង្ងំបង្កើតទូរស័ព្ទដែលមានកម្រិតភាពច្បាស់ HD (720x1080)
ភិចសែលនៅឡើយទេ។ យ៉ាងណាមិញ យើងក៏សប្បាយចិត្តដែរ ដែល iPhone 6
Plus មានកម្រិតភាពច្បាស់ខ្ពស់ល្អដែរកម្រិត Full HD (1080x1920)
ហើយក៏ហ្មត់ល្អខ្លាំងណាស់ដែរ។
3. មិនអាចថតវីដេអូបានដល់កម្រិត 4K
កាមេរ៉ាក៏ជាផ្នែកមួយដ៏សំខាន់
ដែលអ្នកប្រើប្រាស់ទាមទារអោយក្រុមហ៊ុនផលិតទូរស័ព្ទយកចិត្តទុកដាក់ផង
ដែរ។ ជាការពិតណាស់ iPhone 6 ពិតជាអាចថតរូបបានច្បាស់ល្អ
កម្រិតពន្លឺដែលចាប់បានគឺល្អ តែវាអាចថតវីដេអូបានដល់កម្រិត
Full HD (1920 x 1080) ប៉ុណ្ណោះ ខណៈ Galaxy S5, LG G3, Note 4
និងទូរស័ព្ទ Nokia Lumia ថតបានដល់ 4K (3840 X 2160)។
4. អត់មានម៉ូឌែល 32GB ទេ តែនៅតែដាក់លក់ម៉ូឌែល 16GB ដដែល
Apple ដូចជាលេងយុទ្ធសាស្ត្រថោកទាបបន្តិចហើយ ព្រោះអីខ្លួនមិនមានលក់ម៉ូឌែល
32GB ហើយបើយើងចង់បានធំជាងនេះ យើងត្រូវបន្ថែម 100$
ទៀតដើម្បីបាន 64GB។ អ្នកប្រើប្រាស់ផលិតផល Apple
ណាក៏រអ៊ូរទាំដែរថា ហេតុអ្វីបានជា iPhone នៅតែបង្កើតទំហំ 16GB
ដដែល ហើយ Apple ពិតជាឆ្លើយតបបានល្អមែន
តាមរយៈបញ្ឈប់បង្កើតម៉ូឌែល 32GB ចោលតែម្តង។
ប៉ុន្តែយើងក៏ចំណេញផងដែរ ព្រោះអីកាលពីមុនយើងត្រូវថែម 200$
ដើម្បីបាន 64GB ខុសពីឥលូវនេះដែលយើងត្រូវបន្ថែម 100$
តែប៉ុណ្ណោះ។
5. កាមេរ៉ាមុខនៅតែមានទំហំ 1.2 មេហ្គាភិចសែល
មនុស្សសម័យនេះចូលចិត្តថតរូបខ្លួនឯង (Selfie) ខ្លាំងណាស់
ហេតុដូច្នេះហើយបានជាក្រុមហ៊ុនជាច្រើនបានអភិឌ្ឍកាមេរ៉ាមុខអោយមាន
ទំហំភិចសែល និងចាប់រូបបានច្បាស់ល្អបំផុត។ HTC One M8, Galaxy Note
4, Ascend P7 សុទ្ធតែមានកាមេរ៉ាខាងមុខធំ
អាចចាប់រូបបានច្បាស់ល្អ តែ កាមេរ៉ាខាងមុខ Apple
វិញអាចថតរូបបានទំហំ 1280x720 ភិចសែលប៉ុណ្ណោះគ្មានខុសគ្នាពី
iPhone 5s ប៉ុន្មានទេ។
សរុបសេចក្តី
នេះគឺជាទម្លាប់មួយរបស់ក្រុមហ៊ុន Apple
ទៅហើយដែលខ្លួនគ្រាន់តែបង្កើនសមត្ថភាពរបស់ឧបករណ៍ខ្លួន
អោយល្អប្រសើរពីមួយជំនាន់ទៅមួយជំនាន់ប៉ុណ្ណោះ។
ការធ្វើបែបនេះក៏ល្អដែរ
ព្រោះអីផលិតផលចាស់ៗមិនងាយឆាប់អស់ប្រជាប្រិយភាព
តែគុណវិបត្តិវិញនោះគឺវាកាន់តែគ្មានអ្វីអស្ចារ្យ។
ខណៈពេលក្រុមហ៊ុនដទៃដូចជា Samsung, Sony, HTC, LG
ខិតខំនាំយកនូវអ្វីដែលថ្មីមកបំពាក់លើទូរស័ព្ទរបស់គេ Apple
វិញគ្រាន់តែបង្កើនទំហំអេក្រង់ កម្លាំងម៉ាស៊ីនបន្តិច
និងមុខងារបន្តិចបន្តួចទៀតប៉ុណ្ណោះ។
តើអ្នកទាំងអស់គ្នាយល់ស្របទៅនឹងចំណុចទាំងប្រាំខាងលើនេះដែររឺទេ?
តើវាមិនចោទជាបញ្ហាដែលរារាំងអ្នកមិនអោយទិញ iPhone 6
រឺក៏យ៉ាងណា?
No comments:
Post a Comment