តាមដានពត៌មានផ្សេងៗពី Rith apple Media
គ្រាន់តែនិយាយទាក់ទងនឹង Lumia 1030
ដែលជាស្មាតហ្វូនដែលមានកាមេរ៉ាយក្សមួយទៀតរបស់ក្រុមហ៊ុន Microsoft
ភ្លាម នរណាៗក៏មានចំណាប់អារម្មណ៍ខ្លាំងណាស់ដែរ
ព្រោះអីលើលាកនេះគ្មានទូរស័ព្ទណាដែលមានកាមេរ៉ាធំដូច្នេះឡើយ។
ប្រភពសំងាត់ជាច្រើនបានបង្ហើបអោយដឹងថា Microsoft
នឹងបំពាក់កាមេរ៉ាទំហំ 50 មេហ្គាភិចសែលឯណោះ ប្រភេទ PureView
នៅលើទូរស័ព្ទ Lumia នេះ ដែលនេះគឺជាទំហំដ៏ធំបំផុតមួយ
អាចអោយអ្នកប្រើប្រាស់ថតយកទិដ្ឋភាពជុំវិញខ្លួនបានយ៉ាង
គាប់ចិត្ត។
កាលពីប៉ុន្មានថ្ងៃមុន យើងធ្លាប់បានចុះអត្ថបទផ្សាយមួយហើយ
ទាក់ទងនឹងលក្ខណៈសម្បត្តិរបស់ទូរស័ព្ទ Lumia 1030 នេះ
ហើយក្នុងនោះយើងក៏ឃើញមានរូបភាពមួយចំនួនរបស់វាដែលបានបែកធ្លាយ
ចេញពីកន្លែងផលិតផងដែរ។ហើយថ្ងៃនេះ
អ្នកជំនាញខាងផ្នែកឌីហ្សាញមួយរូបឈ្មោះលោក Jonas
បានបង្កើតរូបរាងវាអោយកាន់តែច្បាស់បន្ថែមទៀត
ដើម្បីអាចអោយយើងឃើញពីសម្រស់នៃដងខ្លួន
និងកាមេរ៉ាដ៏ធំនៅផ្នែកខាងក្រោយនៃទូរស័ព្ទនេះ។ Lumia 1030
ប្រហែលជានឹងស្រោបតួខ្លួនដោយលោហៈធាតុ ជុំវិញ
និងផ្នែកខាងក្រោមប្រើប្រាស់ប្លាស្ទិក។ អេក្រង់របស់វាក៏ជាប្រភេទ
2.5D កោងនៅខាងគែមដូច Galaxy Note 4 ផងដែរ
ដើម្បីអោយរូបភាពដែលបង្ហាញមកកាន់តែមានភាពរស់រវើក និងទាក់ទាញ។
ចំណុចពិសេសរបស់ទូរស័ព្ទ Lumia គឺគុណភាពកាមេរ៉ារបស់វាតែម្តង
ដែលវាអាចចាប់យករូបភាពបានច្បាស់ល្អ
និងស្ថិតនៅក្នុងគុណភាពខ្ពស់មួយ។ ហើយសម្រាប់ទំហំ 50
មេហ្គាភិចសែលប្រភេទ PureView នេះវិញ
អ្នកប្រើប្រាស់ពិតជាពេញចិត្តស្តូកតែម្តង។ គួរអោយសោកស្តាយដែរ
ដែលរូបភាពខាងលើគ្រាន់តែជារូបគម្រូតែប៉ុណ្ណោះ
ហើយយើងក៏មិនទាន់ដឹងច្បាស់ដែរថា Lumia 1030
នឹងមានរូបរាងដូច្នេះរឺក៏យ៉ាងណានោះ។
បើតាមការប៉ាន់ស្មាន ស្មាតហ្វូននេះនឹងបង្ហាញខ្លួននៅខែមីនា
ឆ្នាំ 2015 ខាងមុខនេះហើយ ក្នុងព្រឹត្តការណ៍ MWC
ដែលក្នុងនោះក៏មានវត្តមានរបស់ Galaxy S6, HTC One M9 ផងដែរ។
No comments:
Post a Comment