វិធី Jailbreak iOS 7.1, iOS 7.1.1 និង 7.1.2 ដោយប្រើ កម្មវិធី Pangu

សំរាប់ លោកអ្នក ដែលមាន iPhone, iPod Touch និង iPad ដែលដើរលើប្រព័ន្ធ ប្រតិបត្តិការណ៍ iOS 7.1 និង 7.1.1 ឥឡូវនេះ អាចធ្វើការ ដោះគុក ឬ Jailbreak បានហើយ ដោយប្រើ កម្មវិធីមួយឈ្មោះ Pangu របស់ ក្រុមបំបែកកូដចិន ហើយ ក្រុមនោះ អាចបង្កើតកម្មវិធីនេះបាន ដោយប្រើ ចន្លោះប្រហោង ដែលរកឃើញដោយ អ្នកបំបែកកូដល្បីឈ្មោះ @i0n1c។

តំរូវការជាមូលដ្ឋាន:
- iPhone, iPad, iPod Touch ដែលដើរលើ iOS 7.1 ឬ 7.1.1 (មើលវីធីដំឡើងនៅទីនេះ: http://wp.me/p1DX6F-3kE)
- កម្មវិធី Pangu ដោនឡូដបានពី: http://pangu.io/

វិធី Jailbreak:

1. ជាដំបូង សូមធ្វើការ ដោនឡូដ កម្មវិធី Pangu ពីវិុបសាយ ខាងលើ។ រួចមក សូមយក ម៉ៅចុចខាងស្តាំ (Right-Click) លើកម្មវិធីនេះ រួចរើសយក “Run as Administrator”។ បន្ទាប់មក ភ្ជាប់ iPhone/iPad របស់លោកអ្នក ជាមួយកុំព្យូទ័រ តាមរយៈ រន្ធ USB។

2. កម្មវិធី Pangu នឹងធ្វើការ បង្ហាញ ប្រភេទ ឧបករណ៍របស់លោកអ្នក។ បើសិន ជាវា បង្ហាញជា សញ្ញាសួរ ??? ទាំងអស់ មានន័យថា វាមិនស្គាល់ ឧបករណ៍របស់លោកអ្នក នោះទេ។ ដូចនេះ ត្រូវប្រាកដថា លោកអ្នក បានដំឡើង iTunes នៅលើ ម៉ាសីុនរបស់លោកអ្នក និងធ្លាប់ភ្ជាប់ iPhone/iPad ប្រើជាមួយវា។

3. បន្ទាប់មក សូមដោះ Tick ដែលនៅខាងឆ្វេង រួចចុច ប៊ូតុង ខ្មៅ ដែលនៅខាងស្តាំ ដើម្បីចាប់ផ្តើម ការ Jailbreak។

4. ពេលនោះវា នឹងចេញ ផ្ទាំង បង្ហាញពី វិធី អោយលោកអ្នក ទៅកំណត់ ថ្ងៃខែឆ្នាំ នៅលើ iPhone/iPad ទៅជា ថ្ងៃទី 2 ខែ មិថុនា ឆ្នាំ 2014។

នៅលើ iPhone/iPad សូមបើក Settings-> General-> Date & Time រួចចុចបិទ Set Automatically ទៅ OFF។ បន្ទាប់មក ចុចលើ ថ្ងៃទីនិងម៉ោង រួចកំណត់យក Mon Jun 2, 06, 14។


5. ក្រោយការកំណត់នេះហើយ កម្មវិធី Pangu នឹងបន្តដំណើរការ Jailbreak។

ហើយវា នឹងបង្កើត អាយខន ឈ្មោះ Pangu មួយ នៅលើ ផ្ទាំង Home Screen របស់ ឧបករណ៍លោកអ្នក។ សូមចុចលើ អាយខននោះ រួចរើសយក Continue ហើយទុកវា បើកចោល។

6. កម្មវិធី Pangu នឹងបន្ត ការ Jailbreak របស់ខ្លួន រហូតដល់ចប់ នោះ ឧបករណ៍របស់លោកអ្នក នឹងធ្វើការ Reboot។

7. នៅពេល ដែលលោកអ្នក ឃើញ អាយខន Cydia នោះមានន័យថា ការ Jailbreak របស់លោកអ្នក បានសំរេចហើយ៕